Poesie anonime
1 Eras diray ço que us dey dir,
2 e ben lieu pora·m tal ausir
3 que valgre mays [e]stes susaus;
4 mas ges per ço no dey felhir
5 a celh qui·m fa mon Dieu plavir
6 la nuyt preyan dins mon hostau[s]
7 qu’ieu en xantes
8 qu’eperagues
9 l’alb’e·[l] jorn clar,
10 per qu’yeu posques
11 mils e saubes
12 son joy celar;
13 qu’aysi s’escay
14 que del fortfayt
15 se guard d’uymay,
16 si no, diray:
17 Via sus, cavalhiers
18 guerrers, que lausangiers
19 no us assauton en l’alba!
20 Vos, cavalhiers qui m’[e]scoltats,
21 a tuyt dich e prech que diats
22 que ver es ço qu’yeu dich xentan;
23 que, sitot gayta s’es reptats
24 que ço que dits no es vertats,
25 ges per ço [no] anets dubtan
26 de tost levar
27 e de mandar
28 cest scudier,
29 car qui vol far
30 ar m’es compar;
31 ja del port[i]er
32 no cal temer,
33 car clau ne fer
34 no·l destreny re;
35 enans dich be
36 que·s gart tot cavalhier
37 anans ez apres l’alba.
38 A tuyt ho dich cominalmen,
39 mays un me·n mou major conten
40 que·l valgre mays qu’axis primer;
41 pauch li valdra son ardimen
42 si trop li dura son poch sen
43 . . .
44 be·l tench per fat
45 si del comjat
46 no s’es cuchos...
47 A tort reptat
48 l’ay, car muntat
49 lo vey lay jos
50 en son ferran
51 garnit, frepan,
52 gent arrean
53 en aut crian:
54 «Nostr’es lo gan,
55 d’autruy lo dan!»
56 D’eres anan
57 sonech un corn en l’a[l]ba.
Ed. Martín de Riquer, «Alba trovadoresca de autor catalán», Revista de filología española, 34, 1950, pp. 151-165.
Incipitario degli anonimi
Indice
degli autori
