Gabriel Ferruç
e Guerau de Massanet
1 Amichs Garaus en cuy fis prets s’agença,
2 d’aycests partitz, si us play, vulhatz triar:
3 qual volrets mays, e que m’o diats clar,
4 bandos o playts e ses nulha valença
5 hagats seguir tostemps de vostra vida,
6 la nuyt e·l jorn del vostr’argen gastan,
7 car ja saubets com fay viure poxan
8 lo flori groch qui a cascu nos crida.
9 Amich Ferruç, grans [es] la benevolença
10 que·m demostrats, si la say be mirar;
11 per que no deig lo partit refuzar,
12 ans vos responch segons qu’es m’antendença.
13 Dels dos trebalhs hay compresa la mida
14 e·m platz causir lo pus menor afan;
15 e vos, amich, pladegats tot un an,
16 qu’yeu anar vulh ab l’espasa fabrida.
17 Eras pux dir que·l pays de Florença,
18 En Massanet, si us platz hiretz trompar,
19 e farets pro que us puxats ben guardar,
20 car bandol es de ten avol semença
21 que ’b gran sforç a tot mal vos covida,
22 don say per cert que·n soffrets trebalh gran,
23 ez yeu tostemps mon gentil playt manan
24 viuray joyos ses reguard ne ferida.
25 Vostre parlar no·s pora far que·m vença,
26 si be fort be lo sabets abrivar,
27 mas natural rayso·m fara calhar,
28 cant l’ausiray no y fare resistença
29 Cell qui plet vol a Deu e sants oblida
30 e falssamen va tot jorn sabornan
31 savis e saigs e companya d’engan,
32 e falssamen vertut mostra complida.
33 Ab gran dolor hirets far panetença
34 a Ssant Endreu, hon vey mant hom penjar,
35 car si fets mai en lo bando ’lagar
36 lay farets, dona, personal residença
37 ab le vil corps, qui seran vostra guida,
38 que nuyt e jorn vostra cors guastaran,
39 ez [yeu] hiray per vila solassan
40 seguin mon playt ses cogitar fetxida.
41 May a la cort yeu no feray offensa,
42 que iustament pux mon cor deffenssar,
43 e deffennsan l’adverssari matar,
44 e diran tots: «Ben hage qui·s deffença!»
45 E vostr’onor sera fort scarnida
46 d’algun arlot quez haura fayt son dan
47 pel vostra pleyt, e dara us ab son bran
48 tal que·l servelh fara del cap pertida.
49 A nulhs arlots jes daray audiença,
50 seny’En Garaus, nez en lur folh parlar,
51 car lo ribaut qui ve de trist affar
52 no porta ’b si natural conexença
53 de son mal dir, mas celhs qui han sentida
54 de pur rayso, certes, conexeran
55 lo meu just piet, e vos bandolegan
56 pardretz lo cors ab dolor inffinida.
57 Senyer, per Deu, ab frevol continença
58 respondre us vey al vostre pledegar;
59 algus bos homs dauriets asemprar
60 que us ajudas ans que perdats sentença.
61 Mala sots nats que l’arm’aurets marrida
62 pels sagramens falsos que ’nats tractan
63 per que la part adverssa pach lo ban,
64 e cort no us tem e ’s per vos pesseguida.
65 Be foch mal punt lo jorn que fes naxença
66 en aycest mon, si us volets remirar,
67 que ’b gran reguart vos cove tranuytar
68 e pendre·n sen, si c’om fech a N’Antença
69 qui per armes fort prest li foch bestida
70 tan desonor, d’on rasabech son dan
71 que ’b grans assols e ’b trompeta sonan
72 a rregirons li feren l’estampida.
73 De Portogal entro fins a Proença,
74 enquer pus luny, si us volets maya lunyar,
75 es conegut qui sab ver rasonar;
76 per que me·n calh e deray paciença
77 al parlar fol que vostra lang’envida;
78 per que us requir que juge ’nem sercan
79 tal que destriu justicia servan
80 nostre gran plet a iornad’elegida
81 Pus que del tot vey ma rayso ’nfortida
82 ez ab bon dreig lonch temps vau pladegan,
83 per jutge vulh, per ço qu’es molt poxan,
84 Jaymes Ripois, tota favor jaquida.
85 Lo jutge·m plau de la vostra partida,
86 mas per adjunt li donare·l presan
87 qui·s fay nomnar d’Olivelha Johan,
88 car sab e sen valor tota complida.
Ed. Martín de Riquer, «Gabriel Ferruç y Guerau de Massanet, poetas catalanes del siglo XV», Boletín de la Sociedad Castellonense de Cultura, 27, 1951, pp. 148-176, 234-257.
Vedi la sentència su questa tenzone di Jaume Ripoll (147.1).
Incipitario
di Gabriel Ferruç
Incipitario
di Guerau de Massanet
Indice
degli autori
