Gilabert de Próixita
1 Damor seray plus que no suelh
2 e pus amoros quanch no fuy,
3 si tot la gentils que tant vuelh
4 ma vida confon e destruy;
5 e par ho be, car no·n fay que pesança
6 e cascun jorn de me dolor se riu;
7 on per amor no crey hom mort ne viu
8 estes jamays en ten dura balança.
9 Quaysi m[e] mostra brau arguelh
10 com si saubes que sieus no suy;
11 e ges no·m planch, si tot me·n duelh,
12 mas quant me semble que lanuy.
13 E, per ma fe, si·m fes mala semblança
14 per algun dreyt, ja no volgresser viu,
15 mas quant a tort me demostre lesquiu
16 vau com perdutz fors de totesperança.
17 Perque duymay no say que dir,
18 mas que viuray ab desesper,
19 ans vuelh del tot en tot morir,
20 car jamay no·m pens gaug haver;
21 que lexcelhents per cuy fis pretz se guia
22 sobre son cor du n poderos scut,
23 tal que Merce no·l veyra may romput,
24 e que y feris ab son gin cascun dia.
25 E las! E com poch Dieu bestir
26 en midons de tot son poder,
27 beutats, sens e bon captenir,
28 sens que merce no y fech parer!
29 Be y degra far de merce la paria,
30 quentre·ls bos fayts es la millor virtut;
31 e las!, Merce, e tant havets perdut,
32 pus Dieu vos tolh la milhor quel mon sia.
33 Era de me no·m meravelh
34 si visch aman e desamat,
35 car midons es de tal capdelh
36 que sol del veser suy honrat;
37 mas la gentils degraver sovinença
38 que si·m cofon que ço del sieu malmet,
39 quenaysi·m te per finamor destret
40 quen altre part no port me benvolença.
41 Ffort pauch entrey ins lo castelh
42 damor, on suy stat criat,
43 per que no say altre cosselh
44 mas que de far sa voluntat,
45 ques midons, on valor creix e sagença.
46 Faytz me, si us play, pus dolor ma desfet,
47 e si no us venç, amor en lo meu fet,
48 vence us merce e bona consciença.
49 Dompna ses par, caps etz de conaxença,
50 e cap de sen e cap de tot bon fet,
51 per que us sopley curets mils de mon fet,
52 que dins mon cor no tinch ferma cresença.
Ed. Martí de Riquer: Gilabert de Próixita, Poesies, Barcelona, Barcino («ENC»), 1954.
Incipitario di Gilabert de Próixita
Indice degli autori