Gilabert de Próixita
1 Amant languesch e languin pas gran pena,
2 e penan muyr e morin vau perden
3 gaug e solaç, conquistan marrimen;
4 e fa u midons: com plus vay, plus mestrena
5 dira crusel fent ma dargul semblança.
6 E may no·l fi per que·m degues alcir,
7 si donchs en dir
8 ques la milhor e pus valen que sia;
9 e si per ço nenguns homs deu morir,
10 eu suy aycelh ques dret quelha malcia.
11 Per mig dels ulhs mentrech la creman flama
12 don ces mon cor en finamor ences,
13 que may no vi causa que xi·m plagues
14 com la beutatz daycella qui·m desama.
15 Cant veramor vay firent de sa lança,
16 no say conort li puxa contradir,
17 don vulh grasir
18 lonor molt gran que·m dona xascun dia,
19 quant per la res ques pus belha que·s mir
20 ma fayt entrar dins lamorosa via.
21 Dona gentils e de gran excelhença
22 te lo meu cor ten fort en son poder
23 que·l sieu coman regira mon voler
24 e fay de me segons sa conaxença.
25 Ab mon cor suy ensemps dunacordança
26 que mar la vulh, honrar e car tenir.
27 Mas aculhir
28 mos prechs no vol; pero si li placia
29 que la posques ab son voler servir,
30 daltre jamay no la sopleyaria.
31 A, dona proz, de valor coronada,
32 que us faytz pel mon a totes gens lausar!
33 e per que us play malvolença mostrar
34 vas me, qui suy de la vostra maynada?
35 Desesperatz en la vostra sperança,
36 de gran tristor faytz me vida finir.
37 Vos e desir
38 me strenyets; lu·m combat, lautre·m lia.
39 A, com val pauch de merce requerir
40 lo cor altiu quant damor se desvia!
41 Soven mave quesayare dempendre
42 que sopleyan de merce la nqueris;
43 mas quant la vey, [f]ay si co·l basalis:
44 ab son sguart malciu e·m fay rependre,
45 tan que ladonchs suy en major dubtança;
46 que ramiran sa faç blanxa com lir,
47 cuyt defalir,
48 e torn com folhs e no say com mestia;
49 quenaysi·m pren un amoros desir
50 que·ls cinch senys pert e ma faç se canbia.
51 Dona ses par, ves me faytz mal soffrir
52 e conquerir
53 de jorn en jorn ira, dols e feunia;
54 mas ges per ço no vulla presumir
55 dona del mon que mhagues, si·m volia.
Ed. Martí de Riquer: Gilabert de Próixita, Poesies, Barcelona, Barcino («ENC»), 1954.
Incipitario di Gilabert de Próixita
Indice degli autori