Gilabert de Próixita
1 Pus que vos play, dompna, que res no us dia
2 ne sia n loch on siatz, derenan
3 viuray languen ab doloros afan,
4 car tolt mavetz ço que pus car tenia;
5 que tot mon be, midons, era que us ves
6 e que us parlas lora qua vos plagues,
7 axi com celh qui us amultra masura;
8 mas pus no us platz, dona, com franch sotsmes
9 pendray mos mals e ma crusel ventura.
10 Mas com lom folh qui dalquimia cura
11 perque n la fi cuyda venir obran,
12 e quant plus va, plus despen follejan,
13 don pert lo sen e roman ab tristura;
14 aytal suy yeu, qui·m pensavenriquir
15 de joy ab vos per finamor seguir,
16 cuydan quaman merce atenyaria;
17 mas ara·m vey de tot gaug enpobrir,
18 car cerch merce lay on no·s trobaria.
19 Pero, midons, lamorosa paria
20 ques en mon cor, e largulhos talan
21 e les beutatz quavetz, sus totes gran,
22 ffan scalfar e crexer ma folhia.
23 Car yeu mencench damoros pensamen
24 cant pens de vos, quetz del mon plus valen
25 don mes honor amar tal creatura;
26 e dest urgulh vau enfollin mon sen,
27 tant quen amar no guart tort ne dreytura.
28 Co·l Ffenix fay, qui·s crema per natura
29 perque son cors vaje renovelhan,
30 o ay fayt yeu, dona, que·m vau creman
31 del foch damor per haver joya pura;
32 pero, midons, yeu no semble lauselh,
33 car tots jorns crem e nultemps renovelh
34 mon dol en joy, ans dobla ma feunia;
35 que vos, ab cuy degra trobar coselh,
36 volets quamors, vos desirant, malcia.
37 Mas ya duymay sots en la derraria,
38 que ma dolor e mos mals cesseran;
39 car per vos muyr, don per mort fineran
40 los gran turme[n]ts que·m donatz cascun dia.
41 Ja no us porets ab me plus deportar,
42 . . .
43 car tant nay duyt que·n fau la sapultura;
44 mas, enquer mort, celhs qui volran mirar
45 dins en mon cor, veyran vostre figura.
46 Dona ses par, tant ma volgut naffrar
47 Amor per vos, que larme·m fets anar
48 playada fort damorosa puntura;
49 per quyeu matench que no·s vaya clamar
50 lay denant Dieu, que luy faça dretura.
51 E llas!, midons, si·m volets aydar:
52 vos podets tant que be u poriets far,
53 sol que us plagués que·m prenguessets en cura;
54 que b un sguard gen fayt per merceyar
55 mauriets leu stret de ma rencura.
Ed. Martí de Riquer: Gilabert de Próixita, Poesies, Barcelona, Barcino («ENC»), 1954.
Incipitario di Gilabert de Próixita
Indice degli autori