Gilabert de Próixita
1 Pus quen turmen hay mis tostemps ma vida,
2 en gran tristor me covendra finir,
3 car perdut hay joven, pretz e servir
4 ab dona tal ques de merces falhida;
5 que puys la vi li suy stat serven
6 humils e franchs, per ço que li plasia,
7 ez en la fi, que·m degra far jausen,
8 say que li platz que·m luny de sa paria.
9 Don yeu maldich damor la companyia,
10 e maldich mi, quay vulgut tant seguir
11 mon cor quaman ma duyt quays a morir
12 per vos, midons, quamar ges no devia.
13 Car puys quamor vos dona mon voler
14 mavetz desert e mis en panetença.
15 Las!, be pux dir quen amoros sper
16 ay perdut mi e ma gran benvolença.
17 Certes, midons, no us fiu may defalhença,
18 ne·m doni dreyt que·m deguessetz aulcir
19 ne maltractar fent ma soven languir,
20 sauben que n vos havia ma cresença.
21 E si be us vetz per tot lo mon lausar
22 de gran beutat, de sen e de linatge,
23 ges per ayço no·m degretz meyspresar,
24 car home suy per haver bon coratge.
25 Mala fiu anch conort de mon dampnatge,
26 pensan que b vos posques tant conquerir,
27 que si us amas volen vos cartenir,
28 que vos plagues, dona, mon vessalhatge.
29 Per ço, midons, eras vey que us desplay,
30 don roman trist e no say on mattenda;
31 e fora us mils que us plagues, e jamay
32 hagues haüt de vos nullautresmenda.
33 La cruseltat granda quen vos contenda
34 ha fayt vas me vostre cor descobrir
35 per demostrar, per semblan e per dir,
36 que·m volets mal e no us play que us atenda.
37 Meu es lo dan e vostre nes lo tort;
38 pero, midons, vos navetz paucha cura;
39 mas sa Deu platz que·m deliura de mort,
40 assayare de pausar ma rencura.
41 Dona ses par, si no mhaguessetz mort
42 no·m pogretz far plus mals ne plus tristura;
43 pero daytan en mon cor maconort,
44 que b mal que·m fetz fau belha creatura.
Ed. Martí de Riquer: Gilabert de Próixita, Poesies, Barcelona, Barcino («ENC»), 1954.
Incipitario di Gilabert de Próixita
Indice degli autori