Gilabert de Próixita
1 Mals perladors vulh per tostemps maldir
2 de cor e cors, de sen e de sauber,
3 e vulh star de trestot mon poder
4 en tot lor dan tractar e cossentir;
5 on, si xascus los fes ten gran valença
6 com yeu los fauch, ans que lonch temps vingues
7 haurion vists detz traydors lausengers
8 molt xastiatz demandan penetença.
9 Trop fa peccat celh qui vol sostenir,
10 en son hostal gent de ten vil mester
11 que b lor enginy fan del be mal perer
12 e tot lo mon sauben far devesir.
13 Com los ligas, cells de ten aul samença,
14 e quen un foch trestots hom los meses;
15 la lenya fos los amants galiers,
16 e tots ensemps sofrisson panetença!
17 Be·m maravelh com no·s volen ardir
18 los fis aymants, e n guerra mantener
19 contra tal gen que meten lur sauber
20 en dur a menys lamoros captenir.
21 Cert, de mi us dich que metray ma sciença
22 en contra lor tro que·ls haja malmes;
23 e desafiu derenan mals parlers,
24 quelhs mauciuran o·ls dare panetença.
Ed. Martí de Riquer: Gilabert de Próixita, Poesies, Barcelona, Barcino («ENC»), 1954.
Incipitario di Gilabert de Próixita
Indice degli autori