Gilabert de Próixita
1 Lo cor e·lhs huelhs man lo cor[s] mis en pena
2 ab finamors que si es enardida,
3 que·ls huels han fayt tant que mon cor entena
4 en amar vos, quetz de tots bes garnida;
5 quels prims quyeu vi vostre gentil bellesa,
6 fon mon cor pres dun amoros voler,
7 don ses amor en me tan fort encesa,
8 dona, que·n mor lo vostre cavalher.
9 Aysi·m destreny finamor e·m desena,
10 qual lit, cant dorm, mantes vets me rexida;
11 cant mesbandesch, dun smay grieu mestrena,
12 e pert lausir soven cant hom me crida;
13 cant vuelh perlar, trop me lengua represa,
14 e planch e plor cant xanços vuelh mover;
15 tant ha sus me Amor potensa mesa,
16 dona, que·n mor [lo] vostre cavalher.
17 Que·l desir fort que mor coral amena
18 ha dins mon cor fayta mortal ferida,
19 tant que languesch e no say qui·m defena,
20 si dons merce no·m pren de sa partida.
21 Mas si be us vey en tots bos fayts cortesa,
22 ja no malbir merce·m vulhatz haver,
23 car dun refus xascun jorn faytz empresa,
24 dona, que·n mor lo vostra cavalher.
Ed. Martí de Riquer: Gilabert de Próixita, Poesies, Barcelona, Barcino («ENC»), 1954.
Incipitario di Gilabert de Próixita
Indice degli autori