Gilabert de Próixita
1 . . .
2 a lexe . . . don naix vera bondatz
3 eslia . . . les volentatz
4 e no·m . . .
5 que may . . . atz se plasen senyoria
6 son gen p . . . r e son pros captener
7 que per dre . . . aug hay perdut mon sauber
8 e si fau ço de q . . . mescondia.
9 Quyeu me cuydey que no·m pogues rependre
10 Amor jamay en son noble capdulh,
11 mas quant yeu vi la belha que tant vulh,
12 ladonchs me vench trastot mon sforç rendre;
13 que ja nulh geny, sauber ne maestria
14 a contrestar no·m pogren res valer,
15 quaysi le·m fech Amors gent aparer,
16 que sobtamen fuy mis dins sa baylia.
17 Dona ses par, pus Amor vol que sia
18 que us don mon cor, mon seny e mon sauber,
19 clam vos merce que·m vullatz retener,
20 car ja duymay partir no me·n poria.
21 E per ayço en totes parts on sia
22 me tendray yeu per vostra caveller,
23 e si·n metray per vostramor poder,
24 de conquistar preu de cavallaria.
Ed. Martí de Riquer: Gilabert de Próixita, Poesies, Barcelona, Barcino («ENC»), 1954.
Incipitario di Gilabert de Próixita
Indice degli autori