Joan Berenguer de Masdovelles
1 No·m clam d’Emor, ab tot que molts turmens,
2 ffins en cest jorn, ab dol, m’a ffayts pessar,
3 car, si·s vol, ssay lo pessat esmendar
4 me pot, d’on ssuy alegres he jeuzens,
5 com tal poder Amor de sa natura
6 ha, que los alts pot ffer a baix venir
7 e muntar çelhs q’a portats a morir,
8 dant als trists guayg ez als jauzens tristura.
9 Per qu’ieu sper, qui ssuy sos bons çervens,
10 que·m llassa be, pus que ssay lo·m pot ffar,
11 car ges no·m pusch de son çervey llexar,
12 ne vull tenpauch, car no ’s tals mos talens,
13 ans cerviray, ab volentat he cura,
14 amors he llieys d’on puix aconseguir
15 bens ez honors, qui no·m poden ffalhir,
16 si ’n res no pas llur custum he mezura.
17 James auray dolors ab marrimens,
18 s’un pauch me vol del pessat guordonar
19 amors, ffazen, de lleys qui·m ffay amar,
20 aya mot prest plazers ab jauzimens.
21 E fassa, donchs, quez ab volentat pura,
22 qui·m pot valer he de vil mort guendir
23 me valgua tost, pus qu’ieu la vull servir,
24 e·m lluyn de mal e·m guart d’avol ventura;
25 quez yeu tostemps ffuy he seray contens
26 ffer sos comans, he mot tenir en car
27 ço que·mb mendech, he ges no trespassar
28 en res un punt sos bons comandamens;
29 e seguir vull, en jovent he vellura,
30 son gran stol, he d’aquell no partir,
31 quez al darrer pens me fara sentir
32 algun be, ffent me dur sa vestidura.
33 Puixs me retench, he ffuy primeramens
34 son servidor, e·m feu continuar
35 en son servey, no·n hay puscut trobar
36 merçe, mas ges no·n ssuy inpeciens
37 ne desfians; car, ssi be·m pas fratura,
38 yeu, ben servin, ne vulh pendra martir,
39 e·l cors he cor a trebalh offerir
40 detras amors, anant he sa pastura.
41 Dona sens par, bella sens pintadura,
42 avent bondats mes no·n saubria dir:
43 de mi us ssoplich vos playa ssovenir,
44 mi reservant de tota gran prezura.
Ed. Ramon Aramon i Serra, Cançoner dels Masdovelles, Barcelona, I.E.C., 1938, p. 33.
Incipitario
di Joan Berenguer de Masdovelles
Indice
degli autori
