La Reina de Mallorca
1 Ez yeu am tal qu’es bo e belh,
2 e suy gaya co·l blanch oselh
3 que, per amor, cria son chant,
4 e suy senyora e capdelh,
5 e ceylh qu’eu am[e] no·s n’apelh;
6 car sus totes suy mils aman
7 que xausit ay lo pus presan
8 e·l mils del mon, e l’ame tan
9 quez, en pensan, lo cuey veser
10 e car tener;
11 e cant no ’s ver,
12 un desesper me fer tan gran,
13 cant lo say lay ves Ffrança.
14 L’anyoramen e·l gran desir
15 qu’yeu ay per vos me cuyd’alcir,
16 mon dols senyor e car;
17 e bien liey poray tost morir
18 per vos, qu’yeu am tant e desir,
19 si breu deçay no us vey tornar;
20 que tant me tarda l’abressar
21 e·l raysonar
22 e tota res.
23 E cant me pens que us n’etz anats
24 e no tornats,
25 e quan lunyat vos etz,
26 desesperatz caix viu mon cor:
27 per pauch no mor,
28 si breu no n’ay guirença!
29 Merce, mairitz, que sufren pas
30 los mals que·m datz, e donchs tornats,
31 que nulh tresor
32 no val un cor
33 que per vos mor,
34 ab amorosa pença.
Ed. Irénée Cluzel, «Princes et trobadours de la Maison royale de Barcelone-Aragon», BRABLB, 27, 1957-58, pp. 321-373, a p. 371.
Incipitario della Reina de Mallorca
Indice degli autori
