Andreu Febrer
1 Ay! cors avar, scas, richs de merce,
2 larges e franchs, de tot’onor complida,
3 lo mils del mon; si no us hay fayt per que,
4 las!, com voletz axi fenir me vida?
5 Trist, enguxos, desemat, plen d’esmay,
6 amoros bast de tota grieu tristura,
7 pus qu’yeu no suy vostre, de qui seray?
8 Mort, vina tost, fenex m’aspre ventura!
9 Abandonats, cuy Amors no soste,
10 marrits, caytius, hon hauray may gandida
11 pus la non-par e millor de tot be
12 no·m vol per sieu e ’b nonchaler oblida
13 la fin’amor e·l bon voler qu’yeu hay,
14 e mon las cor d’autre ’mar ges no·s cura?
15 Pus qu’yeu no suy vostre, de qui seray?
16 Mort, vine tost, fenex m’aspre ventura!
17 Mala viu hanch la dol[ç]or qui us mente
18 e·l fin gay pretz d’on etz la mils aybida,
19 e mal’anch viu me ferma leyal fe
20 qui de tal bruyt a m’amor haunida;
21 qu’autre plaser james de vos hauray,
22 mas solamen l’amor, si us par dretura.
23 Pus qu’yeu no suy vostre, de qui seray?
24 Mort, vina tost, feneix m’aspre ventura!
25 Loindan’amor, tot quant vey say ne lay
26 m’es vil e leu com l’ombre qui pauch dura.
27 Pus qu’yeu no suy vostre, de qui seray?
28 Mort, vina tost, feneix m’aspre ventura!
Ed. Martí de Riquer: Andreu Febrer, Poesies, Barcelona, Barcino («ENC»), 1951.
Incipitario di
Andreu Febrer
Indice degli autori
