Arnau March
1 Novelh pançer m’es vengutz soptamen
2 qui m’ha punyit d’una ten greu dolor,
3 quant me recort de tant mal parlador,
4 com son de pres celha que vay serven.
5 Las, que fare?
6 Anar hi e?
7 Certes no·m cal, qu’en lieys ha tant de be
8 que no·ls creura.
9 Hoc, mas si u ffa,
10 morray languen, que merce no m’haura.
11 Seny e sauber, ab fermetatz quez ha,
12 mi fay [e]star e viur’en bon [e]sper
13 que no tem re vila ne mentider,
14 puys ha vertat qui tostemps sur[z]era.
15 Ay, ay, mesqui,
16 qui·m ditz axi?
17 Si ’n ayço pens, be soy pres de ma fi.
18 Elhas, qu’ay dit?
19 Molt he falhit;
20 no he de cert, si·l custum no m’oblit.
21 Ço ’s mon costum que ço qu’es nulh despit
22 me fay durar Fortuna mays de dret,
23 e de plaser visch aysi fort destret
24 que per nulh temps no·n hagui un complit.
25 Donchs, si·m te lay,
26 de ço qu’yeu ay
27 no toch a lieys ne·n regord ic jamay.
28 Sabent morir,
29 cert la desir,
30 no say, per Deu, ans m’en destreny desir.
31 Ay, tant desir qu’yeu ne sabes [e]slir
32 lo mils d’aco ne qual may ne volria,
33 car, si lha vau, dupti que·l desplaur[i]a;
34 per ço com pens qu’a lhey pusques falhir,
35 no u pot saber,
36 a mon parer!
37 Si sa tant son aycelhs mal lausangier
38 devinant mal,
39 dir no m’o cal
40 az hon ire, donques, si Deus me sal.
41 Hire de cert vesser lo seu hostal,
42 hon elha ’stay ricamen ab honor;
43 e, si·m ditz re com torn si breu alhor,
44 dir l’e qui·m muyr de dolor qui·m ve tal
45 com no la vey,
46 si fort la ’nvey.
47 Mas, si u conex, que dich falç jurar dey
48 per tots los Sants.
49 No fay qu’anans;
50 dey romanir per tostemps çay dubtans.
51 Certes, no crey
52 que Duch ne Rey
53 no tem’a vos preson vostron autr[ey?],
54 ez yeu cent tantz,
55 car suy amans
56 molt mils de totz, don ne vi[uray penans?].
Ed. Amédée Pagès, Les «coblas», ou les poésies lyriques de Jacme, Pere et Arnau March, Paris-Toulouse, Privat, 1949, p. 107.
Incipitario
di Arnau March
Indice
degli autori
