Rialc
Rao 93.1
Arnau March
1 Levant mos ulhs, pres del Cel vi [e]star
2 vuy pel mati la Magestat Divina,
3 ez aprop Luy fon aycelha Regina
4 don Dieu le filhs s’es volgut incarnar;
5 e d’Esperitz hi vi molt gran maynada
6 qui en xantan cestes lausors dision,
7 e puys trestots a la Verg’oferion
8 cascus son chant per orde com [e]stan,
9 humilian.
10 E, tot primer, genolhs flechs abaxan,
11 ausi disens l’Angelicals natura:
12 «Ffons redicals don Dieu a pres factura,
13 humana carn l’om e Deu asemblan,
14 Mayres de Deu e Verges tot ensemble
15 don nays li filhs de pura sanch e neta,
16 reperador d’infernal consueta,
17 ab vostra carn sofferin tals turmens,
18 non fech contens».
19 Apres ausi los Apostols disens:
20 «Verges, la fe en vos roman ses dubte
21 de vostre Filhs, cant pres mort ses derrupte,
22 car de tot be fom trestotz negligens.
23 Lum net e clar fos de nos e coratge
24 e guiador en la nostra ignorança,
25 may[st]res’e cap, enfortimen, balança
26 on se pansech nostre redempcio
27 ses lesio.
28 Coltelh talhant, passible visio,
29 marteritzan vostre cors de grieu nafra,
30 ffon quan vesetz, Verges, celhs qui·ns desnafra
31 naffrant a ssi, dant nos salvacio,
32 martris som nos per la carn qui no ’s vostra,
33 pudent e vil, en peccats enbolcada,
34 e Vos, molt mes, per vostra carn segrada,
35 inconparant tot autre de valor,
36 soffris dolor.
37 Per castedat, abstinença es amor,
38 vesem a dieu e som verges nomnades,
39 no solament de nostras carns pur[g]ades
40 vos abstinent, ans de trestot’arror,
41 de tot peccat fos, Verges, vos, exempta,
42 cant Dieu vos hac predestinada mayre,
43 e fey rayso, quant al vostre vigayre,
44 pus dona fo neta qui·ns fech morir
45 a son desir».
46 Angels vesi qui·m feron [e]stordir,
47 ab ses grans veus disens: «Verges Maria,
48 vos ets de tots lum e capdelh e guia,
49 e plan cami qui·ns ha fayt sa venir.
50 Comansamen ab fi ses nulh’offença,
51 intercessor de Natura humana
52 ab vostre Filhs, veray Dieu, qui·ns demana...»,
53 e desperech, no·n pogui pus vesser
54 ne mays saber.
55 Verges humils, de coratge, de pença,
56 vos vey tot jorn, tot mes, tota setmana,
57 tot l’any; tostemps Merces a vos demana
58 le·m recaptets, que m’arma pux’aver
59 joy e plasser.
Ed. Amédée Pagès, Les «coblas», ou les poésies lyriques de Jacme, Pere et Arnau March, Paris-Toulouse, Privat, 1949, p. 97.