Rialc
Rao 59.9
Andreu Febrer
1 E lhas, amors! Ten pauch vos cal de me
2 quenaxi·m fayts de jorn en jorn languir?
3 Si us hagues fayt per quyeu degues morir,
4 dreyt forassats que no trobas merce;
5 mas car vos am he us porti bona fe
6 me volets mal, ez yeu a vos mays be.
7 Gran tort havetz quaxi·m vulhats aucir,
8 quieu ja no·m pux en re de vos pertir.
9 Ez hanc no vi home plus folh de me
10 qua dret cien vulh me pena seguir,
11 car ami vos e mi masex asir,
12 perques be dret com axi msdeve;
13 car celh qui vol plus ad autruy que se
14 causis son mal e ço qui pro no·l te,
15 mas ges per tan que us vulh e us am e us quir
16 no d[eg]retz vos ja mon dan sofferir.
17 Be han tresit mey huelh mon cor e me,
18 on ploraran mantes vetz sens fallir,
19 car tant ma fayt vostre dompney gresir
20 que dautruy vol ja no·m cal ni·m sove;
21 e si yeu muyr langin per amar be,
22 no planch ma mort mas lo blasm que us en ve,
23 quadonchs poran tuyt lamador ben dir
24 qua vos mavetz fayt a gran tort perir.
25 Joy e plaser senugaven de me
26 quen tal destruyt vench dins mon cor assir,
27 car cent vetz muyr lo jorn que no us remir
28 ez autres cent me confort e·m reve
29 vostra dolç vis, quaxi destret me te
30 e·m tindra may tant com viuray, so ere,
31 car on plus vau e pes mays e malbir
32 en vostramor, plus vos am e us desir.
33 Vostre suy yeu, dompna, non pas de me,
34 per quyeu vos dey temer ez obesir;
35 vos me podetz far e, fayt, destrouir
36 e pigorar e revenir ayse;
37 faytz que us playra, que no us diray per que:
38 si·m faytz valer, als vostres obs valrre,
39 que nuyt e jorn eu no pes ne cossir
40 mas quo us poray al vostra grat servir.
41 Angel, lamor e·l bon voler que us he
42 e·l gran argulh que vos mostratz vas me,
43 si no·m valets, me feran tost finir,
44 car yeu ses vos a mort no pux gandir.
Ed. Martí de Riquer: Andreu Febrer, Poesies, Barcelona, Barcino («ENC»), 1951.