Rialc
Rao 59.6

            Andreu Febrer






    1      Del tot me cuydave lexar,
    2      que ja plus no chantas d’amor,
    3      tant me sove la grieu dolor
    4      qu’Amors m’a [dat] taman pessar,
    5      e fay tots jorns, on mays hi pes;
    6      mas la beutatz qu’en midons es,
    7      can la ramir
    8      me fay oblidar mon martir
    9      e mon smay,
    10     si qu’ests mals plus qu’autre be·m play.

    11     E pus ten plasen m’es amar
    12     ley, que d’autre no·m ve sabor,
    13     com me gard’un pauch sa valor,
    14     que no le·n posques hom blasmar;
    15     que·l fochs qu’ins al cor m’es ences
    16     m’auciura, si no·m val merces;
    17     on poray dir
    18     celhs qui·m veura ’naxi morir:
    19     Deus! Ten mal fay
    20     dona quant ço del sieu desfay!

    21     Seus suy, qu’Amors be·m volch donar,
    22     al prim qu’yeu la vi, per senyor,
    23     qu’anch no·m posqui virar alor:
    24     si·m vench pels uls al cor intrar
    25     s’amor qu’a sos obs m’a conques
    26     e lunyat de tot’aut[r]a res,
    27     quez abelhir
    28     no·m [pot] res on qu’eu an ne·m vir,
    29     ans me desplay
    30     ses ley tot quant vey say ne lay.

    31     [Yeu] no·m pux pertir ne lunyar,
    32     si be·m conosch me gran folhor;
    33     mas axi co·l sompniador
    34     qu’en durmen troba l’aur, e·l par
    35     qu’es richs, e·s desperta manues,
    36     ay guaug tant com dura·l plasers
    37     e·l sovenir,
    38     on m’es semblan que·n dey chausir;
    39     mas pus m’esmay
    40     quant me sove que nulh pro n’hay.

    41     Pro n’agre si·m posques nomnar
    42     de tants perens qu’a lo menor,
    43     e si·m des un bays en celh for,
    44     no crey hi fes lunch mal [e] star;
    45     que corals amichs d’amor pres
    46     val mays q’un paren lunyades,
    47     al ver chausir,
    48     car longu’amistatz fay venir,
    49     soven s’eschay,
    50     parentesch la on no n’ach may.

    51     Mays platz on plus n’es hom cobes
    52     joy desirats, pus conques es;
    53     mas per desir
    54     no poch l’om tan nulh joy grasir
    55     com yeu faray,
    56     Loindan’amor, si de vos l’hay.

 

 

 

Ed. Martí de Riquer: Andreu Febrer, Poesies, Barcelona, Barcino («ENC»), 1951.

 

Incipitario di Andreu Febrer
Indice degli autori

Rialc