Rialc
Rao 59.15
Andreu Febrer
1 Si n lo mon fos gentilesa perduda
2 eu say lo cap de la font qui la dona,
3 quins en lostal del proz coms de Cardona
4 la trobarets que no·s camge ne·s muda;
5 on pretz, dompneys e valor fan hostatge
6 e noyriments e man faytz ben stants
7 que saubon far les pros dompnes presans
8 quen celha cort menon gran alegratge.
9 Quanch pus Artus fech daquest mon pessatge
10 no crey que fos corts de tanta valia,
11 ni ten plasens, ten gaya, ten jolia
12 ne ten gentils, ten bauda mon visatge;
13 car no·y veyretz argulh, cinta ne branca,
14 mas laculhir honest e gracios
15 e·l gen perlar e·l gay dits amoros
16 als strangers, ez humil cara francha.
17 E tot primer, a cuy beutat no mancha,
18 lay trobarets lauta valen comptessa,
19 qui de valor e de granda proesa
20 val mays quIsolt ne Serena la blancha.
21 A luy va be semblan dona Johana,
22 que b belhs aculhs e b gracios perven
23 se fay gresir, amar a tota gen,
24 e plus daycelhs ques de terra loindana.
25 No·m layssa dir celha ques la fontana
26 de gay comport, ces dona Ffrancesquina,
27 car sus les flors es viola nglantina
28 que·l temps gentil naix e fioreix e grana;
29 Na Sobrejoy, miral de gentilesa,
30 donElpha us dich, que Dieus volch tan bell far
31 lo sieu gay cors, de preti sobrepugar,
32 que·l mon no crey altre pas de belhesa.
33 Altra ni say en qui natura mesa
34 gentils fayços e morosa pervença
35 donYolant, que b gaya captenença
36 ab dolç esguart mostra sa gran noblesa.
37 Na Beatris dAnglesola savança
38 lossanamen los stranys aculhir,
39 e Johana Pineda, qui felhir
40 no sab, ne u quer Elphita, la de França.
41 Vay te·n, xanco, lay on valor satansa,
42 al coms dels Carts, qui sab pretz mantenir;
43 e seu no say tot son laus expendir,
44 yeu lo sopley que no·l venya pesança.
45 Angel, non ay alors ma confiança
46 mays solamen en vos qui·m fayts jequir
47 dira, desmay, de dol e de cossir,
48 cant me sove de la vostramistança.
Ed. Martí de Riquer: Andreu Febrer, Poesies, Barcelona, Barcino («ENC»), 1951.
Incipitario di Andreu Febrer
Indice degli autori