Rialc
Rao 59.11
Andreu Febrer
1 Ja per dir vos mon cor e mon talan,
2 belha, no·m cal venir may denan vos,
3 car ab acort ferm e volenteros
4 vos suy vengutz, dona, mil vetz denan
5 quyeu vos dixes mon cor e ma ntendença
6 e com per vos muyr aman finamen;
7 mas lay on cuyt haver plus datrivença,
8 pert lo gosar e·l perlar examen.
9 Don yeu maldich lamor qu’el començar
10 me pres de vos ab ten gran senyoriu,
11 car luy de vos ab coratge fortiu
12 vos prech e us gos dir que·m vulhats amar,
13 e us quir merce e us responch ses dubtança,
14 e suy de vos alegres e jausen.
15 Veus ab quin joy nez ab qual benenança
16 pas cascun jorn mon amoros turmen!
17 E mantes vets axi pensant moblit
18 tant fort que si·m saluden no·l respon,
19 don li plusor dison quergulos son,
20 ez yeu dayço no nauray res ausit.
21 Ay Dieu!, qui pot penssar com hieu seria
22 plus dargulhos, dona, si yeu hagues
23 hun dels cent plaers que n vos pensan tot dia,
24 e com me suy en la folia mes!
25 En tal folhor cove que me deport
26 ses haver plus en que·m vaya ne·m vir,
27 ez altra vetz me ve[ze]tz revenir
28 devers vos, donchs suplich vos que us recort
29 quieu no·y seray vengutz per altra npresa
30 mes per dir vos [mon cor e] mon smay.
31 Be say quamor quen me ses tant encesa,
32 denant vos no mo lexara dir may.
Ed. Martí de Riquer: Andreu Febrer, Poesies, Barcelona, Barcino («ENC»), 1951.
Incipitario di Andreu Febrer
Indice degli autori