Rialc
Rao 50.1
Rodrigo Díeç
1 De vuy dema se·n va lo temps
2 e pert mon temps,
3 que no puch gens aver bon temps
4 esperant temps,
5 e, doncs, si·m ve ha menys lo temps,
6 ffa dret lo temps,
7 car lom qui ha favor del temps
8 deu pendre·l temps.
9 Renech de lhom qui spera·l temps
10 quant te lo temps,
11 que no sab pendre be lo temps
12 e fuig li·l temps.
13 Despuixs conex qual es bon temps,
14 mas no ha temps
15 que larch ni breu el torn al temps,
16 ans pasa temps.
17 Axi ma pres a mi del temps,
18 com nau ab temps
19 que·s met entorn e pert son temps,
20 mudant se·l temps.
21 Mudat ses ya del tot mon temps,
22 que no he temps
23 que pusqua breu tornar al temps,
24 tant me fuig temps.
25 No puch creure james que·l temps
26 se mut en temps,
27 que la raho reguesca·l temps
28 en millor temps,
29 ans cascun jorn veigh pijor temps.
30 Car molts han temps
31 que no merexen pas tal temps,
32 renech del temps!
33 Dolor he gran quant veig lo temps
34 rodar en temps,
35 que lo senser no fa pel temps,
36 ans muda·l temps,
37 e no u consent vuy gens lo temps,
38 mudar de temps,
39 mas lom qui vol favor del temps,
40 sesguesca·l temps.
41 Si ma fortuna e mal temps
42 me tol bon temps,
43 per ço no jaquire lo temps,
44 leyal tostemps.
Ed. Miriam Cabré, Rialc 2000.
Ms. P. || 26 se] sa. 33 lo] quel.