Pere Tresfort
1 Jovencelhs qui no [ha] aymia
2 ni sech amoros stil,
3 com visques anys quatre mil,
4 no fara ren de valia.
5 Senyoras d’auta semença,
6 fFin’Amors es tan valens
7 que milhora cors e bens
8 e fay l’om de reverença;
9 e qui dreig va per sa via,
10 son cors flach noyrex gentil
11 e refay en bo l’om vil
12 per sa granda maestria.
13 Amors d’ome pech fay destre,
14 atressi de paubre rich,
15 larch de croy e gay d’inich
16 e de savays abte mestre,
17 noyrins d’aps e cortesia
18 criatura juvenil,
19 e fay dormir ab rafil
20 en lit de mayritz tot dia.
21 Donchs vulhatz d’Amor l’ampresa
22 per ses joyes gasanyar
23 e far vos ha coronar
24 en sa cort de gran noblesa,
25 comensan ab milhoria
26 en lo mes qui ve d’abril,
27 e traurets d’elha conil,
28 lebra quant dormir volria.
29 De virtutz claus la paria
30 de vostre cos femenil
31 me fa viure ab lunh exil
32 de tot laig vici que sia.
Ed. Pere Bohigas, Lírica trobadoresca del segle XV. Joan Basset i altres poetes inèdits del Cançoner Vega-Aguiló, Barcelona, Institut de Filologia Valenciana - P.A.M., 1988, p. 168. — Rev. Miriam Cabré.
Ms.: Ha. || 4 ren] res ed. — 13 Amors d’ome pech] Amors, donchs, [de] pech ed. — 16 savays] savayrs ed. — 20 mayritz] maritz ed. — 25 milhoria] milloria ed. — 29 virtutz] vertutz ed. — 31 viure] viur ed.
Incipitario
di Pere Tresfort
Indice
degli autori
