Rialc
Rao 164.16
Jordi de Sant Jordi
1 Tant es li mals que·m fayts soffrir
2 com no·m cresets, dompna valen,
3 que de cert vos am leyalmen,
4 que·l cor del cors me vol sortir.
5 Lo jorn quyeu vi vostre cors gay,
6 al prim que·m mis en vos amar,
7 mon cor no poch, certes, lunyar
8 de vos un punt per altra may.
9 Donchs, cresatz me quals no desir
10 ne tench nulh autre penssamen
11 mas sol quyeu puscha finamen
12 a vos amar e cartenir.
13 Si no us dich ver, que prech a Dieu
14 que de tals crims siacusatz
15 don prenda mort apedregatz
16 per mans dun malestruch jusieu,
17 si que planguts de mon martir
18 no sia pas per nulha gen,
19 ans me maldiguen cruselmen
20 e n ma fas vinguen escupir.
21 Si no us dich ver, quans de ma fi
22 ab ira forts me desesper
23 e larme·l cors ab Luciffer
24 dimonis mil porten prop si;
25 e mays no·m pusquen sabollir,
26 ans per tostemps haja turmen
27 e no trop amich ne paren
28 que·m vulhen be, sino mal dir.
29 Castelh donor, prech Deu masir
30 e tot li san si coralmen
31 no us suy fis e leyal serven
32 que us vulhamar ses deffalhir.
Ed. Martí de Riquer e Lola Badia, Les poesies de Jordi de Sant Jordi, cavaller valenciŕ del segle XV, Valčncia, Tres i Quatre, 1984, con alcuni ritocchi introdotti nelled. Donatella Siviero: Jordi de Sant Jordi, Lamoroso cerchio. Poesie dellultimo trovatore, Milano-Trento, Luni («Biblioteca medievale»), 1997, e ivi giustificati.