Fra Joan Basset
1 Ab letres d’aur per mesura
2 scriuray lausors notables
3 de vos, humils Verge pura,
4 Mayres de Dieu redubtables.
5 Flors mot belha d’auta planta,
6 vejats que·m fay vostra forma:
7 cant mir luy, elha disforma
8 mos greus mals e ma complanta.
9 E per sanctedat que us mura
10 de virtutz inceperables,
11 trespessatz tota natura,
12 Mayres de Dieu redubtables.
13 Peyra fina preciosa,
14 despuys que Dieu fech lo segle
15 van per dreg compas e regle
16 li trobador, virtuosa,
17 lausans tug vostra figura
18 ab novelhs chants e agradables,
19 e de vos laus no·ls fretura,
20 Mayres de Dieu redubtables.
21 Tots vostres laus qui·ls pot dire?
22 Qu’autre, mays Dieu, no·ls diria.
23 Tants son e de tal valia
24 que·ld pus mendres fech remire
25 a Sant Bernat, qu’eb gran cura
26 vos lausa d’innumerables,
27 e fech segrad’escriptura,
28 Mayres de Dieu redubtables.
29 Belha ses frau, vestedura
30 dels paubres nutz miserables,
31 desliuratz nos de tristura,
32 Mayres de Dieu redubtables.
33 Cavalheresa d’altura,
34 de Sen Climens onorable
35 madona Costa, [a]b [gran] cura
36 legitz los predits vocables.
Ed. Pere Bohigas, Lírica trobadoresca del segle XV. Joan Basset i altres poetes inèdits del Cançoner Vega-Aguiló, Barcelona, Institut de Filologia Valenciana - P.A.M., 1988, p. 41. — Rev. Miriam Cabré.
Ms.: Hb. || 33 Cavalheresa] Caualheresa ed. — 34 Climens] Climent ed.
Incipitario
di Fra Joan Basset
Indice
degli autori
