Guerau de Massanet
1 Amors joy mi renovelha
2 qui·m fay gayamen xentar
3 y en vos, dompna, solessar
4 miran la flor de l’amenlha.
5 Per fin’amors naix e fulha
6 dins lo meu cor una brancha,
7 que tot cossir me despulha
8 contemplan vos, dompna francha.
9 Donchs, obrits me vostra cetlha
10 honestamen, liri clar,
11 que ’b vos me vulh alegrar
12 miran la flor de l’ametlha.
13 Gran penssamen se prepara
14 denan me, ricosa joya,
15 cant m’esguart la vostra cara,
16 que per gran beutat s’enjoya.
17 E donchs, pus mos volers vetlha
18 en vos servir ez honrar,
19 degay de mi recordar
20 miran la flor de l’amenlha.
21 Pratz floritz per gentilesa
22 ez enclaus de nobles arbres,
23 valgue·m [la] vostra bonesa,
24 e levatz me dels fretz marbres;
25 que james Sancta Mercelha
26 no vol mays Jesus honrar
27 com yeu fas vos, ni lausar,
28 miran la flor de l’amenlha.
29 Corals blanchs, dins vostra quelha
30 honestamen vulh star,
31 e nostr’amor conservar
32 miran la flor de l’amenlha.
Ed. Martín de Riquer, «Gabriel Ferruç y Guerau de Massanet, poetas catalanes del siglo XV», Boletín de la Sociedad Castellonense de Cultura, 27, 1951, pp. 148-176, 234-257.
Incipitario di Guerau de Massanet
Indice degli autori
