Poesie anonime
1 Mayre de Diu, stiell de l’albe pura,
2 dompna del mon, porta de Paradis,
3 vos consabes lo fill de Deu Jhesus
4 romanent vierge e sens tota lesura.
5 Advocata ests dels fisells en dretura
6 qui en vos haien bona devocion,
7 e al rienegat homayer e mal hom
8 vos reclamants aydats en lur pressura.
9 Regina etz de angelical natura
10 sobrepujant en laus e valor gran
11 tots quants natz son en aquest mon uman,
12 e no es qu’es a vos par en valura.
13 A Alvaffer, princep de la foscura,
14 rompies lo cap, e a tots sos seguasses
15 qui a vostra fill posaven enbarasses,
16 per que dell ciell son prostratz en tortura.
17 A vos, Verga, ten humil criatura,
18 offer mos ditz de vostra nom composts,
19 supplicant vos que vullatz dar repos
20 en lo regna hon es gaug sen[e]s cura.
Ed. Barbara Spaggiari, «La ‘poesia religiosa anonima’ catalana o occitana», Annali della Scuola Normale Superiore di Pisa, III s., 7, 1977, pp. 117-350, a p. 312.
Incipitario degli anonimi
Indice
degli autori
