Poesie anonime
1 Eres quan vei los arbres gen florir
2 e·ls play en tots reverdir e fulhar,
3 e·ls auselletz pels verts brondelhs xantar
4 e l’aura forts en dolç temps convertir,
5 pres ay voler en aycest temps gentil
6 ffar novel xants, verses, dances e rims
7 de vos, midons, qu’etz de gayesa scims
8 e d’onestat vuy tenits gay stil.
9 De vos pux dir qu’avetz milhaners mil
10 de tals virtuts qu’altre·l mon non n’ha cen
11 del meu semblan, perquez Amors s’enten
12 hagatz honor dins sa cort baronil,
13 e no cuyt fer vici de sobrelaus
14 si vostres pretz spandesch e presich,
15 car pus n’avetz quez en mon xant no dich
16 per lo gran be que dins vos s’es enclaus.
17 Perque tenits en vostres mans les claus
18 de Ffin’Amors ab c’obrits los cors durs,
19 alleugan los de beuratges mot purs
20 del vostr’esguard qu’es axarop susaus;
21 e revolvetz gayes flors ab blanchs lirs
22 sus vostre fas; mirant vostra beutat,
23 si que teniu l’ome qui us veu, ausat
24 ab vostres hulhs reffulgens com saffirs.
25 Tots homs qui us vey fayts anar e regirs,
26 encepegan ab coratge volon,
27 cuydan siats del cel vengud’al mon,
28 contemplan vos ab sobiran desirs,
29 e disen tug quez ab granda favor
30 vos formech Dieus, mays que fonch un gran tort
31 natura com vos sotsmes a la mort,
32 car de bontat no n’ha vista milhor.
33 Grand onor prench c’om m’apelh servidor
34 d’un cors dotat de ten insignes laus,
35 mas cuyt morir, pus que perlar no us haus
36 ne joy haver d’un soffrir gran dolor.
37 Mas si Deu vol que d’esta flama gran
38 qu’el meu cor art, vos do qualque simbelh
39 quez affranquis lo vostra cors ysnelh:
40 ab dolç repaus staray sogornan.
41 Cims de virtutz, sopley vos que l’intran
42 del gay abril me fassats un xipelh
43 de fulhes verts ho de flors un ramelh,
44 car al presen no us fau de pus deman.
Ed. Pere Bohigas, Lírica trobadoresca del segle XV. Joan Basset i altres poetes inèdits del Cançoner Vega-Aguiló, Barcelona, Institut de Filologia Valenciana - P.A.M., 1988, p. 162. — Rev. Miriam Cabré.
Ms.: Ha. || 36 soffrir] soffir ed. — 44 al] el ed.
Incipitario degli anonimi
Indice
degli autori
