Rialc
Rao 0.25
Poesie anonime
1 Bona dompna, Dieu cuy veser
2 ant li vostre gay cors remir,
3 e puys tant vos am e us desir
4 gran be me·n deuria xaser;
5 quaixi ma vostramor conques
6 e vençut e liat e pres,
7 queb tot lo segle, si meu fos,
8 me tendria paubre sens vos.
9 Dompna, quan vos vey remaner
10 ni·m cove de vos a pertir,
11 tant mangoxon li mal sospir
12 quen pauch no me·n cug dexaser.
13 A, dolça domna, francha res!
14 Valha mab vos prechs e merces,
15 e retenetz me ma xanços,
16 si tot pesa·l cortes gelos.
17 Pretz e valor vuelh mantener
18 e bones dompnes obesir
19 e les corteses gint servir,
20 e no hay gran cura daver.
21 Mays, pero, si·l poder hagues,
22 al mon no es duchs ne merques
23 a qui mays plagues messios
24 ne meny[s] se pach davols baros.
Ed. Pere Bohigas, Lírica trobadoresca del segle XV. Joan Basset i altres poetes inèdits del Cançoner Vega-Aguiló, Barcelona, Institut de Filologia Valenciana - P.A.M.,1988, p. 94. — Rev. Miriam Cabré.
Ms.: Hb. || 25 mal] mei ed.