Rialc
Rao 0.14
Poesie anonime
1 Ara lausetz, lauset, lauset
2 li comandamen l’abbet.
3 «Bela, si vos eravatz moina de nostra maiso,
4 a profit de totz los moines vos pendriatz liuraso;
5 mas vos non estaretz, bela, si totz lo jorns enversa no»,
6 zo dix l’abbet.
7 «Bela, si vos voliatz en nostr’orden remanir,
8 gras capos ne grosses oches no vos poirian falir;
9 mas a vos covenra, bela, ab totz los monges a jazir
10 [e] ab l’abbet.
11 Er nos em .iiij. vint moines tuit d’una religio,
12 e qan l’uns fa tort a l’altr[e] ab grans verges nos batom;
13 mas vos no seretz batuda si de colps de cuilos no»,
14 zo dix l’abbet.
15 «Si vos ez .iiij.xx. moines, lo vulria mais de cen,
16 e serai ne fort irea si no us ren totz [. . .] tanz;
17 levarai vos la quintena, firetz tuitx ardiamen
18 ab vostr’abet».
19 «Bela, anui[t in]traretz dinz en nostre dormitor;
20 de .l.iiij. moines vos en farem cobertor:
21 non au[si]rez sein ne clotxa si de vits sejornatz no»,
22 zo dix l’abbet.
23 Ara n’intra nostr’am[ia] ab los fraires el dormitor:
24 ja non exira la bela tro qe dessus e desor
25 li don l’abbet.
Ed. Gerald Bond, «The Last Unpublished Troubadour Songs», Speculum, 60, 1985, pp. 827-849, a p. 845.