Poesie anonime
1 S’anc vos amei, era us vau desaman,
2 e ai razo qe no i trob mas enjan.
3 Enjan i trob per mitad veramen,
4 per q’eu no us deg tener negun coven;
5 vos [a]vetz fait lo major falimen
6 q’anc amiga fedes vas son aman.
7 Mas no·m tenjatz per vostre servidor:
8 de vos mi part e vir mon cor ailo[r];
9 [s’anc] me·n lausei, ara·n porti clamor
10 del vostre cors fals, lausenjer, truan.
11 Ja no·m tenretz mais en vostre poder,
12 c’axi vos veg baxar e decader;
13 en [altr’a]i mes mon sen e mon saber:
14 joveneta qe non a pel ferran.
Ed. Gerald Bond, «The Last Unpublished Troubadour Songs», Speculum, 60, 1985, pp. 827-849, a p. 839.
Incipitario degli anonimi
Indice
degli autori
